"Heç kim gəlib maraqlanmır" - Ağsu icra nümayəndəliyindən şikayət

Ağsu rayonunun Kalva kəndində yaşayan Hacıyev Asəf Ağasan oğlu, Hacıyeva Gülsənəm Qaçay qızı və Ağaliyeva Gülurə Ağasan qızı Prezident İlham Əliyevə, Birinci vitse-prezidenti Mehriban Əliyevayaya və Baş Nazir Əli Əsədova müraciət ediblər.

Pravda.az-ın xəbərinə görə, onlar iddia edir ki, zəlzələdən sonra yaşamaq üçün tam yararsız vəziyyətə düşən evlərinin bərpa edilməsi üçün ayrılan vəsait yerli məmurlar tərəfindən ayrıseçkilik edilərək qohum-qardaşlarına verilir.

Həmin müraciəti təqdim edirik:

"Biz Ağsu rayonun kalva kənd sakinləri ömrümüz boyu bu kənddə yaşamışıq. 2018-ci ildə baş vermiş məlum zəlzələ zamanı kəndimizdə əsasən köhnədən tikilmiş evlərin divarlarında iri çatlar əmələ gəlib, pol sınıb, binövrə daşları uçub daxilə tökülüb, yaşamaq üçün yarasız vəziyyətə düşüb. Məsələn, mən Hacıyeva Gülsənəmin evi 1946-cı ildə sementsiz, torpaq və taxta materialı istifadə edilməklə daş hörgüsü ilə tikilib. Ona görə evimizin dörd tərəfindən çatlar əmələ gəlmiş və yaşamaq üçün yarasız vəziyyətə düşüb.

Mən, Hacıyev Asəfin evinin zirzəmisində kürsü daşları uçaraq daxilə tökülüb,.sanki ev havada qalıb. Divarda çoxsaylı çatlar əmələ gəlib.

Mən, Ağaliyeva Gülurənin evinin divarları pəncərə və giriş qapısı istiqamətində çatlar əmələ gəlib, döşəmə sınıb-sökülüb zirzəmiyə düşüb.

Evlərimiz qəzalı vəziyyətdə olduğundan uşaqlarla birlikdə qorxa- qorxa yaşayırıq. Dəfələrlə kənd və rayon rəhbərliyinə məsələnin həlli üçün xahişlər etsək də 1 ildən çoxdur ki, gəlib yerində maraqlanan yoxdur. Cavab verirlər ki, siyahıda adınız var. Təmir olunacaq. Lakin heç kim gəlmir, maraqlanmır. Amma eyni zamanda görürük ki, Kalva kənd icra nümayəndəsi Qədirov Cavid, müavini Əfəndiyev Vüqar ( müxalifətin kənd üzrə gizli nümayəndəsi) Ağsu rayon İcra Hakimiyyəti Aparatının işçisi olan İzay İnayətov (müxalifətçi Vüqar Əfəndiyevin qohumu) əvvəlcə özlərinə məxsus topdağıtmaz kiçik villalarını təmir etdirdikdən sonra Cavid Qədirov özünə yaxın adamların – dədəsi Qədirov Əlistanın, əmisi Qədirov Talıstanın, qudası Niştayev Əhsanın, digər qudası Hilala təzə tikilib təmir olunan evlərini ehtiyac olmadığı halda yenidən dövlət vəsaiti ayırıb təmir etdirir. Hətta iş o yerə çatıb ki, yerli məmurlar yalnız özlərinə və qohum əqrəbalarına aid evləri təmir etdirməklə yanaşı Cavidin dostu olan Əjdərin də evini əsaslı təmir etməklə yanaşı, həyətində yeni bir irihəcmli talvar da tikdirib. Hesab edirik ki, yerli dövlət məmurlarının bu hərəkəti iqtisadi əxlaqsızlığın son həddidir. Qəzalı vəziyyətə düşən kasıb sakinlərin evlərinin bərpası üçün dövlətimiz tərəfindən ayrılan külli-miqdarda vəsait kənd icra nümayəndəsi Cavid və qohum-əqrəbaları arasında pay-mal edilib talan edilib. Nəticədə yerli məmurların özbaşnalığı biz sadə insanları dövlətdən məqsədli şəkildə narazı salırlar. Odur ki, cənab Prezident Sizdən çox xahiş edirk ki, bizim kəndimizdə özlərini ramiz tatarovlar, nizaməddinlər kimi aparan korrupsiyalaşmış məmurlar barəsində aidiyyatı orqanlara dərhal tədbir görülməsi, və bizim yaşaması mümkün olmayan evlərimizə FHN-nin komissiyasının baxış keçirib təmir olunması üçün vəsait ayrılmasına göstəriş verəsiniz".moderator.az